Embætti landlæknis hefur þýtt og staðfært norskt námsefni um samnorræna merkið Skráargatið sem ætlað er að auðvelda neytendum að velja hollari matvöru sem lið í því að bæta mataræði og heilsu þjóðarinnar. Námsefnið sem hér um ræðir er ætlað fyrir nemendur grunnskóla. Í fyrsta hlutanum er að finna ýmsar nytsamlegar upplýsingar um Skráargatið. Annar hluti hefur að geyma fjölbreytt verkefni, m.a. krossgátur, reikningsdæmi, umræðuverkefni og teikniverkefni. Lokakaflinn inniheldur síðan lausnir verkefnanna.